ابوحميد البحطيطي. من الشرقية حلاق يعمل في محل حلاقة بالدوحة تعليم متوسط . شاب طيب مكافح محترم يمثل فئة ليست قليلة من الشعب المصرية ولا تظهر كثيرا في وسائل الاعلام . المهم الكلام جاب بعضه عن مصر والاحوال الصعبة وخاصة الظروف المنية والحال الاقتصادي الواقف. سالته عن رايه في مرشحي الرئاسة ، البحطيطي قال ان عمرو موسى هو الاحسن قلت له بس هو كان بيشتغل مع مبارك يبقى الثورة عملت ايه. قال البحطيطي طيب متعرفش حد مترشح من الميدان فقلت. ميدان التحرير يعني
.JPG)
البحطيطي : اه
قلت ان كل المرشحين بيقولوا انهم من الميدان . وسالته انت ايه رايك في ابو الفتوح.
البحطيطي: بس ابو الفتوح اخوان وحيضيقها علينا
سالته عن رايه في البرادعي.
البحطيطي: لا البرادعي مش كويس وجاي من برة وكدة وبعدين هو عارف ان محدش حينتخبه عشان كدة انسحب
قلت له ةانت ناوي تنتخب
البحطيطي : لا اصلا مينفعش لاني منتخبتش في مجلس الشعب وبيقولوا اللي منتخبش في المجلس ما ينفعش ينتخب في الرئاسة
وحتى انا مش عارف حد انتخبه دا كله نازل الانتخابات حتى في اعلان مجلة بييجي في التليفزيون بيقول ان شعبولا نازل. هي ناقصة "تيت"
وبعدين مش كفاية بتاع الاخوان اللي بيأذن في المجلس بس الراجل ريس الجلسة "إداله" بمعنىوبخه وقاله بطل الحركات دي
قلت له النائب دة سلفي. بس تعرف ان رئيس الجلسة اخوان
البحطيطي : اه والله !!
ليست هناك تعليقات:
إرسال تعليق
رأيك مهم فلا تبخل به