-ابوحميد الله يخليك عايزة منك خدمة
- خير اؤمري
-ممكن تشوف لي اي عقد عندك؟
-عندي فين بالضبط
-حيكون فين في قطر او اي حاجة في الخليج
-قطر! انا حسيت من بوستاتك ان عندك موقف من قطر، وانك مبسوطة عندك!
-مبسوطة ايه وزفت ايه. انا مرتبي ٨٠٠ جنيه، بادفع منه ايجار الشقة ودروس الواد ابني وبناكل زلط بقية الشهر، وأخينا دة لسة بيقولك حنجوع!
-ايوة وانتي عايشة ازاي؟
-اهو اهلي بيساعدوا على قد ما يقدروا.
-اومال بس بوستاتك كلها تأييد وتطبيل.. إيه؟
-ياعم انت عايزني اناضل يعني وانا مالي، ولا عايز طليقي يلاقيني كاتبة حاجة كدة ولا كدة يبلغ عني، مش كفاية انه مدوخني وراه في المحاكم سنين عشان النفقة.
-بس انتي كنت مع ٣٠ يونيو وخلع مرسي.
-بص يا عم احمد متعمليش فيها محاور ، انا مطلقة من سنين وبربي ابني من وهو في ابتدائي لوحدي وكان الحال مش ولابد بس ماشية، قامت ثورة يناير وقالوا البلد حتتصلح، قلت حلو وهللنا وانبسطنا، الامور اتنيلت اكتر على دماغي انا واللي زيي،و عشنا ايام سودة لغاية ما جت الانتخابات وجه مرسي، و مفيش اي حاجة حصلت غير ان التليفزيون بقى كله زعيق ودوشة وناس بدقون كتير بتتخنانق مع ناس تانية متعرفش على ايه، كله كلام ملوش اي لازمة، وحالنا اتنيل اكتر ولا فلوس ولا كهربا ولامية، وكل ما نروح نخلص مصلحة نلاقي اضراب ولا اعتصام وايام طين، قالوا طيب نشيل مرسي ونرجع زي زمان، قلت يشيلوه ولا يتنيلوا بنيلة قال يعني انا لو وافقت او رفضت حتفرق، شيل يا عم.
-طيب ما هي فرقت في يناير ؟
-يا بني انت بتصدق، هو كدة كدة مبارك كان واقع والكل انتهز الفرصة عشان يشيلوه ويجيوا مكانه وكلهم بيتخانقوا على الكراسي ، وبيستغلوا الناس.
-وانت بالنسبة لك نفسك مين يحكم؟
-اي ابن ستين ( ) نلاقي معاه مرتب يكمل لاخر الشهر واعرف اربي الواد، انا ابني كان في ابتدائي ايام يناير ودلوقتي في اعدادي والدروس اجارك الله، ولو تعب ووديته لدكتور في مستوصف اقلها بادفع٥٠ جنيه بالدوا.
-ايه يا بنتي، اهدي شوية انت خلقك ضاق كدة ليه؟
-يا خويا تعالى جوع معاناوانت تعرف ضاق ليه. حتشوف لي حاجة ولا لأ؟
-ههه ،والله الخليج اصلا فيه خفض ميزانيات وفي تفنيشات كتير، ابعتي لي السي ڤي ، ولو ما اتفنشتش اوعدك حاحاول اساعدك:)
- خير اؤمري
-ممكن تشوف لي اي عقد عندك؟
-عندي فين بالضبط
-حيكون فين في قطر او اي حاجة في الخليج
-قطر! انا حسيت من بوستاتك ان عندك موقف من قطر، وانك مبسوطة عندك!
-مبسوطة ايه وزفت ايه. انا مرتبي ٨٠٠ جنيه، بادفع منه ايجار الشقة ودروس الواد ابني وبناكل زلط بقية الشهر، وأخينا دة لسة بيقولك حنجوع!
-ايوة وانتي عايشة ازاي؟
-اهو اهلي بيساعدوا على قد ما يقدروا.
-اومال بس بوستاتك كلها تأييد وتطبيل.. إيه؟
-ياعم انت عايزني اناضل يعني وانا مالي، ولا عايز طليقي يلاقيني كاتبة حاجة كدة ولا كدة يبلغ عني، مش كفاية انه مدوخني وراه في المحاكم سنين عشان النفقة.
-بس انتي كنت مع ٣٠ يونيو وخلع مرسي.
-بص يا عم احمد متعمليش فيها محاور ، انا مطلقة من سنين وبربي ابني من وهو في ابتدائي لوحدي وكان الحال مش ولابد بس ماشية، قامت ثورة يناير وقالوا البلد حتتصلح، قلت حلو وهللنا وانبسطنا، الامور اتنيلت اكتر على دماغي انا واللي زيي،و عشنا ايام سودة لغاية ما جت الانتخابات وجه مرسي، و مفيش اي حاجة حصلت غير ان التليفزيون بقى كله زعيق ودوشة وناس بدقون كتير بتتخنانق مع ناس تانية متعرفش على ايه، كله كلام ملوش اي لازمة، وحالنا اتنيل اكتر ولا فلوس ولا كهربا ولامية، وكل ما نروح نخلص مصلحة نلاقي اضراب ولا اعتصام وايام طين، قالوا طيب نشيل مرسي ونرجع زي زمان، قلت يشيلوه ولا يتنيلوا بنيلة قال يعني انا لو وافقت او رفضت حتفرق، شيل يا عم.
-طيب ما هي فرقت في يناير ؟
-يا بني انت بتصدق، هو كدة كدة مبارك كان واقع والكل انتهز الفرصة عشان يشيلوه ويجيوا مكانه وكلهم بيتخانقوا على الكراسي ، وبيستغلوا الناس.
-وانت بالنسبة لك نفسك مين يحكم؟
-اي ابن ستين ( ) نلاقي معاه مرتب يكمل لاخر الشهر واعرف اربي الواد، انا ابني كان في ابتدائي ايام يناير ودلوقتي في اعدادي والدروس اجارك الله، ولو تعب ووديته لدكتور في مستوصف اقلها بادفع٥٠ جنيه بالدوا.
-ايه يا بنتي، اهدي شوية انت خلقك ضاق كدة ليه؟
-يا خويا تعالى جوع معاناوانت تعرف ضاق ليه. حتشوف لي حاجة ولا لأ؟
-ههه ،والله الخليج اصلا فيه خفض ميزانيات وفي تفنيشات كتير، ابعتي لي السي ڤي ، ولو ما اتفنشتش اوعدك حاحاول اساعدك:)
ليست هناك تعليقات:
إرسال تعليق
رأيك مهم فلا تبخل به