ملخص لقصة الحرباء لانطوان تشيكوف .. "بعد التعديل"
مفتش البوليس اوشو ميلوف ومعه مساعده يدخلان ساحة السوق الهادي وهو فرحان بالبالطو الجديد يمشي بين الدكاكين . وفجأة يدوي صراخ من امام احد الدكاكين فيتجه اليه ليجد رجلا ممسكا بكلب وسط حشد من الناس يقول إن الكلب عضه في اصبعه ويريد تعويضا من صاحبه وفقا للقانون خاصة انه يحتاج اصبعه في عمل الحساس كجواهرجي . بصرامةٍ يقول المفتش اوشوميلوف . - مَن هو صاحب هذا الكلب ؟ هاتوالي ابن ... .. هي البلد مافيهاش قانون . ههو انا هنا طربوش ولا كيس مانجــِـه .. هي الناس البهايم دي تسيب كلابهـــِه تعض في الخلق كده من غير حساب ..
. فيقول احدهم - يبدو أنّه كلبٌ الجنرال ييجالوف ..
اوشوميلوف يخلع معطفه ويقول: للجنرال ييجالوف " يا نهار اسود . هي الدنيا حر ليه هي حتمطر ولا ايه
خد هنا يا افندي يا جواهرجي انت .. ازاي يعني عضّك الكلب ؟ وازاي طال صباعك ، دة كلب صغير وانت يا خويا زي البغل اهوه ؟ .. اكيد انت اللي عورت صباعك وبتدعي على الكلب المسكين دة علشان تخدلك قرشين ما هو انا عارفكم يا ولاد الابالسة شعب ملاعين !!
مساعد اوشوميلوف : شكله كده طفا السيجارة في وجه الكلب لكن الكلب ابن ناس وذكي عشان كدة عضّه .
الجواهرجي: بلاش افترى هو انت شفت حاجة .. وبعدين القانون لازم يمشي على الكل حرام ععليكو
فيعود الشرطي المساعد ويقول: لا لا ! الكلب ده مش كلب الجنرال " لان كلاب الجنرال من كلاب الصيد الغالية ..
اوشوميلوف : متأكد يا ابني
- مساعد اوشوميلوف: نعم أكيد
اوشوميلوف : وأنا متأكد انا كمان كلابٌ الجنرال غالية الثمن ، أما هذا الكلب فشكله ابن كلب من الحمار اللي يشتري كلب زي دة . شوف يا مواطن يا جواهرجي انت وحياة دقني لاجيب لك حقك من الكلب صاحب الكلب ده ..
فيقول احد الموجودين : أعتقد أنني شاهدتُ هذا الكلب في حديقة فيلا الجنرال .
اوشوميلوف : لبسني البالطو يا ابني وخذ الكلب إلى الجنرال تأكد إن كان له أم لا. وقوله إني لقيته في الشارع ويا ريت ميسبهوش لوحده تاني علشان محدش من البهايم اللي في الشارع يطفىء السيجارة في وجهه تاني خطمه . وانت يا جواهرجي يا غبي انت خد صبعك دة وبطل افترى على كلاب الناس .
وفجأة يظهر مسؤول حديقة الجنرال متقدما الى الحشد . فيسأله اوشوميلوف : هل هذا الكلب للجنرال .
فيقول .. لا
اوشوميلوف : انا قلت كدة برضه دة شكله كلب ......
مسؤول حديقة الجنرال مقاطعا : الكلب دة بتاع اخو الجنرال اللي جه يزوره امس
اوشوميلوف : والله اخو الجنرال هنا وبيزور سيادة الجنرال ... معقول .. وانا معرفش . وكمان جه ومععاه الكلب اللطيف دة طيب انا حاوصله معاك للبيت .. ما اقدرش اسيبه يمشي لوحده في وسط الشياطين دول ..
اوشوميلوف ينظر للجواهرجي متوعدا: وحياة امك حسابي معك بعدين ...
ليست هناك تعليقات:
إرسال تعليق
رأيك مهم فلا تبخل به